miércoles, 20 de marzo de 2013

Gazteria eta errepresioa hitzaldia Kortxoenea gaztetxean

Ostiral honetan Gros auzoko Kortxoenea gaztetxean "gazteria eta errepresioa" izenburupean hitzaldia antolatu dugu. Bertan Alemaniako "euskal herriaren lagunak" taldeko kide baten, Galizatik CEIVAR-eko kide eta preso politiko ohi baten, Madrileko "madres contra le represion" taldeko kide baten eta Euskal Herritik "JARRAI-HAIKA-SEGI" auziko kide baten zein gure partehartzea izango delarik.

Hitzaldia arratsaldeko 19:00tan hasiko da.

Beraz animatu parte hartzera!

martes, 12 de marzo de 2013

Milaka lagunen babesa jaso genuen larunbatean

Hauxe da berria egunkarian idatzitako kronika:

Espainiako Auzitegi Gorenaren erabakiaren zain daude gazteak; fiskalak seina urteko kartzela zigorra eskatu du guztientzat

Martxoan ebazpena jasoko dutelakoan dauden arren, «indartsu» daudela diote

«Gazteak gara, ez terroristak» oihu artean ekin zioten ehunka herritarrek atzo Donostiako hamabost gazte auzipetuen aldeko protestan hiriko kaleak zeharkatzeari. Gazteek esan zuten herritarren babesak eta halako mobilizazioek aurrera egiteko «berebiziko indarra» ematen dietela eta «gertatutakoa gertatuta» gizarteak erakutsitakoa oroituko dutela.

17:00etarako zegoen deituta manifestazioa; 20 minutu beranduago zabaldu zuten Euskal gazteria libre eta legala leloa zuen pankarta. Baina ordurako bertan ehunka pertsona zeuden, horien artean auzipetuak. Nahikari Otaegi gazteak haurra zuen besoetan. Atxilotu zuten unea gogorra izan zela oroitu zuen, baina gaur egun bi haur izanda gogorragoa dela esan zuen. «Gorabehera asko izan ditugu, eta urteak pasa dira. Kalean egon gara, baina beti duzu buruan zein egoeratan zauden; ez da erraza», hausnartu zuen.

Otsailaren 13an berrikusi zuen Espainiako Auzitegi Gorenak hamabost gazteen aurka Auzitegi Nazionalak emandako epaia. Segiko kide izatea egozten die fiskalak guztiei, eta, horregatik, seina urteko kartzela zigorra eskatu zuen. 2010eko ekainean eta uztailean epaitu zituen Auzitegi Nazionalak, eta epaiketa hura amaituta, seina urteko zigorra ezarri zien. Ebazpenaren aurka helegitea jarri zuten gazteek Auzitegi Gorenean, ohartarazita zigortzeko orduan ez zirela kontuan hartu defentsak aurkeztutako hainbat froga. Esan zuen urratu egin zela babes judizialerako eskubidea. Gorenak adierazi zuen Auzitegi Nazionalaren epaiak ez zuela hainbat frogari buruzko inolako baloraziorik egin; hortaz, epaia errepikatzeko agindua eman zuen auzitegiak.

Gazteek espero dute hilabete bat eta hilabete eta erdiko tartean behin betiko epaia jasotzea. Beraz, datozen asteetan, martxoan, haien etorkizuna erabakiko duen ebazpena jasoko dutela uste dute. «Ukaezina da urduri gaudela eta bertigoa sentitzen dugula. Azken finean, pentsatzen dugulako agian bihar, berriro ere, espetxean egongo garela. Espetxeari berriro ere aurre egiteak bertigo pittin bat ematen du. Baina harrotasun pixka batekin ere bagaude, gure lan politikoa egiteagatik zigortu nahi gaituztelako; eta amorruarekin. Horrek ematen digu hau guztia aldatzeko borroka egiteko grina». Aitor Olaizola gaztearen hitzak dira.

«Euskal Herrian jende guztiak daki epaiketa hauek epaiketa politikoak direla eta behin betiko amaitu behar direla», azaldu zuen Eleak mugimenduko kide Txerra Bolinagak. Mobilizazioez gain, desobedientzia zibila beharrezkoa dela uste du Eleak-eko bozeramaileak. Eta herriak epaiketa politikoak amaitzeko bidean lagundu behar duela esan zuen.

Ordezkari politikoak ere izan ziren manifestazioan; besteak beste, Donostiako alkate Juan Karlos Izagirre, EH Bilduko parlamentari Marian Beitialarrangoitia eta Sortuko kide Joseba Alvarez eta Hasier Arraiz. «Garai batean egiten zen politikaren ondorio dira atxiloketak. Guk esaten dugu egoera politikoa aldatu dela eta epaiketek bide bera hartu beharko luketela. Inork ez luke kartzelan egon beharko lan politikoa egiteagatik, eta gazte hauen kasua, beste gazte askorena bezala, espetxeratzeko arriskuan egotea da», adierazi zuen Alvarezek. Nazioarteak eta gizarteak ere lagundu dezaketela esan zuen. «Ez da egia mobilizazioak eta presioak ez duela balio. Egia da nahikotasun batera heldu behar dutela eta gaur egun Espainiak nazioarteko presioaren aurretik bere jokabideari eusten diola».

Gizartearen beharra

Gizarteak «rol garrantzitsua» duela uste dute gazteek ere. «Benetako demokrazia baten aldeko aldarria egiten dugu; uste dugu gizarte guztiak inplikatu beharko lukeela honetan. Gizarteari, beraz, inplikatzeko eskatuko nioke», adierazi zuen Urko Pikazak. Atzoko manifestazioak «aurrera egiteko indarra» ematen diela nabarmendu zuen. «Datorrena datorrela aurrera egiten lagunduko digu manifestazioak. Uste dut oso garrantzitsua dela jendea kalera ateratzea benetan erakusteko hemen gauzak ez ditugula ikusten Madrilden bezala».

Amaierako ekitaldia Bulebarrean egin zuten, eta, Eleak-en izenean, Antzine Biainek babesa azaldu zien gazteei, banan-banan haien izenak jendearen txalo artean esanda. Ondoren, jendearen babesa eskertu zuten gazte auzipetuek. Manifestazioan jende gaztea, heldua eta adinekoa zegoen. Amaieran, elkar besarkatu zuten hainbatek; «Animo, aurrera egingo duzue, honi ere aurre egingo diozue», esan zion emakume batek beste bati.

jueves, 7 de marzo de 2013

ELA sindikatuaren prentsa oharra gure auzia dela eta.


Segi erakundearen parte izateagatik hamabost gazte donostiarren aurkako prozesua salatzen du ELAk.



Gazte hauen epaia berrikusi egin zuen Epaitegi Gorenaren penaleko salak Otsailaren 13an, Entzutegi Nazionalera 2011ko urrian agindu eta gero ebazpen berri bat eman zezan, honen aurreneko ebazpenak ez baitzituen aipatzen ere defentsak azaldutako frogak.

Prozesu hau, irregulartasunez beteta, zati bat besterik ez da ehun gazte baino gehiagoren aurka beren militantzia politikoarengatik burutzen ari dena eta PP-PSOEk eta frantziar eta espainiar konfederazio sindikalek sinaturiko Itun Antiterroristatik eratorritako bultzatada politiko errepresiboan oinarritua dago. Indarrean dagoen Itunak xede izan zuen- eta oraindik du- erreferentzi independentista ezabatzea eta egungo prozesu politikoa baldintzatzea espainiar egitura konstituzionalak ezarritako mugak ez gainditzeko. Bestalde, gazte eta beren familiei ezartzen zaien ziurgabetasuna eta aurretiko sarekadak, atxiloketak eta kartzelaratzeek, gure ustetan, helburu dute mugimendu politiko oso baten kikiltzea eta gazte hauek militantziarekiko desafekzioa eta militantzia bera uztea.

Horregatik, ELAk estatuko itun hau bertan behera uztea exijitzen du babes ideolojiko, judizial, politiko eta morala ematen diolako errepresio dinamika anker honi eta, bide batez, exijitzen du proiektu politiko baten alde militatzearen eskubidea bermatua izan dadin, inongo errepresaliarik gabe.

ELAk Donostialdeko bere militantziari dei egiten dio parte hartzera ostegunero Artzai Onaren plazan egingo den elkarretaratzean, ahalik eta epaia publiko egin arte.

Bederen, Martxoaren 9an Donostian , 17,00an Boulevartik abiaturik burutuko den manifestazioan parte hartzera deitzen ditu bere afiliatuak.




ELA denuncia el proceso que se sigue contra quince jóvenes donostiarras por pertenencia a la organización juvenil Segi.

La condena a estos jóvenes se revisó por la sala de lo penal del Tribunal Supremo el pasado 13 de febrero, después de que en octubre de 2011 ordenara a la Audiencia Nacional volver a dictar una nueva resolución, ya que la primera no aludía a las pruebas aportadas por la defensa.

Este proceso, pleno de irregularidades, es sólo una parte del que se sigue contra más de un centenar de jóvenes por su militancia política y responde al impulso político represivo que se deriva del Pacto Antiterrorista, suscrito por PP-PSOE y por las confederaciones sindicales españolas y francesas. Este pacto, que permanece en vigor, tuvo y tiene por objeto aniquilar la referencia independentista y condicionar el proceso político presente para que no traspase las fronteras impuestas por el marco constitucional español. Por otro lado, la situación de incertidumbre que se impone a los jóvenes y sus familias y el previo goteo de redadas, las detenciones y los encarcelamientos sólo buscan, a nuestro entender, desmoralizar a un movimiento político en su conjunto y provocar la desafección y el abandono de la militancia por parte de esos jóvenes.

Por ello, ELA exige la derogación de ese pacto de estado que da cobertura ideológica, judicial, política y moral a esta dinámica represiva inhumana ilegítima, y que se garantice el derecho a defender y militar a favor de un proyecto político sin ser por ello represaliado.

ELA anima a su militancia de Donostialdea a participar en la concentración que tendrá lugar todos los jueves en la plaza del Buen Pastor de Donostia hasta que se haga pública la sentencia.

Asimismo, llama a sus afiliados y afiliadas a participar en la manifestación que se celebrará el próximo 9 de marzo en Donostia a las 17,00 horas desde el Boulevard.